ذكريات سينمائيه

يا اولاد الكلب "صرخ بها نور الشريف فى نهاية فيلم سواق  الاتوبيس 
, وتذكرت الرجل الابيض يبور ارض محمد ابوسوليم وهو يسحل محمود المليجى واصابعه تدمى والكورس  يغنى ارضنا العطشانا نرويها بدمانا
 وتذكرت, نهله جارتى وهى تشرشح لنوال الاكثر شرشحه قائلة لها اللى يرشنى بالميه ارشه بالدم ولم أفهم لماذا كان الناس يقتلون بعضهم فى نهاية فيلم الابن الضال بينما تغنى ماجده الرومى

قتل احمد ذكى كل الجنود وعاد للناى يعزف حتى قتله برىء اخر تذكرت ذلك كله وتذكرت ان جواز عتريسه من فؤاد باطل

 تذكرت ذلك والصول يقتادنى منفردا وحيدا لمعاقبتى  لمكتب النقيب عام 89 لانى رفضت ان انظف حجرته كدت اصرخ بكل تلك النهايات لكنى لم انطق بل انطقنى ذلك الصول عندما قال لى قف ياعسكرى عصام اطعته ووقفت ,ثم قال لى سريعا مرش, قف ,سريعا مرش, ضم على اللى قدامك , ضم ياعسكرى, فضاعت كل النهايات من راسى وقهقهت قائلا له انا وحدى يافندم اضم على مين هى اسطوانه انت حافظها بترددها وبس اقولك لاسريعا, ولا مرش, ولاقف, ولا ها اطلقها انتى فاكرنى ابو العلا ياعم عباس فارس 

 قالتى انت اهبل ,عسكرى مجنون, قلت له ده فيلم الزوجه التانيه يافندم شكرى سرحان طلق سعاد حسنى تحت بند اطيعوا الله والرسول والو الامر منكم. انت  فاهم انه الملك فاروق كان ملك حقيقى ده كان ملك كوتشينه. فقال انت مجنون قلت له على فكره يافندم انت مدورنى مكتب بس انت مش لابس ميرى ارجع البس ميرى اصلك هتاخد جزاء بص كده انت بالبيجامه هيرجعوك عسكرى ويمكن ادور انا مكتب بعد كده واخليك تكنس سيناء كلها .البس ميرى احسن يمكن ربنا يرزقك واخد جزاء وانت تترقى  انت عارف انك غير محظوظ يافندم انت ذكى ورائع عارف انك ممكن كنت تكون وزير او رئيس دوله لو كان الملك فاروق لسه على سدة الحكم بص يافندم انت حاصل على شهاده كويسه اكيد شكلك مثقف اوى انت معاك ايه قالى انا معايا القعداديه القديمه قال اتنظرنى البس ميرى وارجع, قلت له ارجع معاك بس تدورنى مكتب صح بس خد بالك مفيش ضم على اللى قدامك انا وحدى قالى بقولها غصب عنى قلت له خلاص خلينا لما تدور السريه كلها مكتب قالى ماشى فكره صح خليك انت يعنى هتبطل تغلط