امتع وقت يمكن ان تقضيه يكون عادة وسط مجموعه من الفشارين ،هكذا كنت اقضى وقتى بين الحصص مع شيخ فشار اذ كنت الوحيد الذى اصدقه وباقى الزملاء يستغربون على فشره المبالغ فيه
اليوم لأول مره اشاهد نائب الرئيس المصرى وذكرنى بواحده من الفشرات الكبيره اوى التى كان يتباهى بها زميلى الشيخ بكل اتقان
الفشار ذكر ان كان عندهم حمار عض ودنه
فرد زميل لنا جديد علينا :- كيف يعض الحمار ودنه؟
فرد الشيخ :- قصدك انى بفشر وكداب ؟
فتداركت الموقف وقلت للزميل ياعم الشيخ قصده ان الحمار عض ودن الشيخ مش ودن الحمار الهاء تعود على ودن الشيخ
فقال الشيخ :- شوفت انت اسات فهمى فهمت انا قصدى ايه وتتهمنى بالكذب
فى النهايه اعتذر الزميل للشيخ الفشار ثم انصرف الزميل
وقلت للشيخ :- زميلنا ده ضيق الافق خده على قد عقله هو مش مستوعب ان حماركم عض ودنه هو مش ودنك انت لانه مش فاهم فى خصائص الحمير ولا عارف الزاى الحمار يعض ودنه فقال لى انا فهمت انك انت كمان مش مصدق ان حمارنا عض ودنه فقلت عيب ده احنا حمارنا عض ديله
اليوم سال الصحفيون النائب المحترم هل اقلتم النائب العام قال لا لم نقله لانه غير قانونى
فساله الصحفى :- بس مستشار الوزير قال انه الرئيس اقاله؟
فرد النائب لا :- هو اللى كان عاوز يستقيل صحيا
فقال له الصحفى :- يعنى هو اللى استقال ؟ فقال له النائب لا احنا بعتنا له واحد صاحبه يقوله اننا اقلناه
فرد الصحفى :- يعنى انتم اقالتوه ؟
قال النائب :- الرئيس مكنش بيقيله احنا كنا بنعرض عليه انه يستقيل
الصحفى :- طيب بس الرئيس اصدر قرار بتعينه فى الفاتيكان
فقال نائب الرئيس :- انتم بتفهموا غلط ومنكم اعلاميون مشوهين للحقائق ؟
لاصحفى :- اذن مستشار الرئيس كلامه غير صجيج عن قرار الرئيس
لا كلام مستشار الرئيس صحيح بس الرئيس لم يقيله
هنا اسال نائب الرئيس
هو الحمار بتاع الشيخ الفشار عض ودن الحمار ولا ودن الشيخ ؟
.jpg)
ليست هناك تعليقات:
إرسال تعليق